BUNG III NA: THILDANGTE

SECTION A: MISSIONARY CHAWIMAWINA

1. Unit TKP member Missionary-a kal tur an awmin chawimawina hun hman thin tur ani. Chawimawina hun hman dan tur chu Unit TKP Executive Committee-in a ruahman thin ang.

2. Missionary chawimawi tih hian hengte hi a huam ang:

(i) BCM in tirhchhuah inkhawm a hmanpui.

(ii) Voluntary-a kum khat aia tlem lo kal tur.

(iii) Para-Church in a tirhte

3. Unit TKP member chawimawina hun hman hian Rs.5000/- leh chawimawina thuziak (Citation) pek tur a ni a, chawimawina thilpek leh inkhawmna senso chu Unit TKP General Fund/ Miscellaneous atanga pek tur a ni.

SECTION B: COLONY INRELBAWL DAN

1. Unit TKP hi Colony liah (4) inthen nise. Colony enkawltu atan Convener pakhat leh Assistant convener pahnih theuh colony tinah Unit TKP Executive Committee-in a ruat thin ang.

2. Unit pumpui rualtlang taka a kal theihna tura colony hmalaknate enpuia khalh ngil turin colony tinah Office Bearer incharge Executive Committee-in a ruat thin ang.

3. Colony convener-te leh Assistant convener-te hian anmahni colony chhunga memberte thlarau leh tisa dinhmun an hriatin an mamawh angin hma an la thin tur ani. An tihtur leh mawhphurhna dangte chu Executive Committee-in a hriattir thin ang.

4. Colony hian Unit TKP Executive Committee remtihna baka activity leh hmalakna a neih a rem lovang.

5. Colony convener-te hi Executive Committee member an nihsa loh chuan Executive Committee member an ni ang.

6. An sum tuakte kum thar atan balance an neih a rem lovanga, kum tawpah sum la kawl an nei a nih chuan Unit-ah an thehlut thin tur a ni.

SECTION C: CHARGE HLANNA

Sub-Committee hrang hrang Convener/Chairman/Leader te leh Colony Convener te hi kum tir ah Unit O.B. te kaihhruai in charge hlanna neih thin tur a ni.