RTKP Information Launch a ni ta!

Vawiin 25th february, 2018 khan Thalai Kristian Pawl, Ramzotlang Unit tana thil pawimawh leh chhinchhiahtlak, hmasawnna kawnga rahbi thar kan kaina 'RTKP Information' chu launch a ni ta! He launching programme hi Pu C.Laltlankima, Unit Secretary in kaihruaiin, Tv.Lalmuanpuia Khiangte chuan 'Social Media Manners & Etiquette' tih thupui hmangin Social media chungchang leh a kaihhnawih thil chi hrang hrangte sawiin, Social Media thatna leh tangkaina, a thatlohna leh hmansual anih theih dante a rawn tarlang a, thalaiten Social Media kan hman dan chungchanga tihdan mawi leh chindan tha zawkte power point presentation felfai tak nen ngaihnawm takin a rawn tarlang a ni.

'RTKP info' hi Pu P.Lalruatpuia, President, TKP Ramzotlang Unit chuan launch-na neiin vawiin atang hian Thalai Kristian Pawl, Ramzotlang Unit hmalakna hrang hrang inhrilhhriatna 'RTKP Info' (SMS, RTKP Android Application leh Whatsapp Group) chu hman tan a ni ta.

RTKP Information:

1. SMS hmanga member zawng zawng hnena programme leh thil pawimawh inhrilhhriatna.

2. Android App: Unit OB, Executive Committee, Programme Committee, Sub-Committee member zawng zawng tarlan a ni a, Colony member list kimchang, RTKP thlatin programme kimchang leh thlatin a Usher & Pangpar khawi list, Planning&Budget, Manual, FOD inkaihhruaina, Petros bakah RTKP activities hrang hrangte regular taka update a ni bawk.
3. RTKP Whatsapp group.

RTKP Android Application hi Pu H. Lalbiaktluanga, Asst. Secretary, Ramzotlang Unit hmalakna leh thahnemngaihna avang liau liau a rawn piangchhuak a ni.